Â鶹¾«Ñ¡

Tabhann chothroman aig ìre chruinneil do thàlant ùr

Read in English

Chuir Keith Moireasdan aig a bheil Wee Studio Records, a ghnothachas an lùib a bhith a’ clàradh ciùil, air bhonn air Eilean Leòdhais ann an 2008. Tha an gnothachas a’ tabhann sheirbheisean co-cheangailte ri innleadaireachd stiuidio, a’ gabhail a-steach clàradh, measgachadh, maighstireadh, agus clàradh bhidio proifeiseanta. 

Stèidhichte ann an Steòrnabhagh bho thùs, thug Keith an stiuidio a Nis – aig fìor cheann a tuath Leòdhais – ann an 2022. B’ e dìreach aon chomharra a bha sin de dhealas a’ ghnothachais a thaobh taic do leasachadh coimhearsnachd. 

Bha an togalach a b’ àbhaist a bhith le Â鶹¾«Ñ¡, a’ tabhann 351 meatair ceàrnagach de fharsaingeachd, a bha dìreach foirfe airson seirbheisean an Wee Studio.  Bha e comasach dhuinn Keith a chuideachadh le a phlana gnothachais agus a lèirsinn a chur an gnìomh, le tabhartas de dh’airgead a dh’ionnsaigh uidheamachd agus atharrachaidhean a dhèanamh air an àite chruthachail agus air leth a tha e air a leasachadh.

Coinnich ri Keith san stiuido aige ann an Nis, sa film ghoirid againn.

Feartan uaine

Tha Keith ag ràdh gun tug ath-nuadhachadh air an togalach, cothrom fìor mhath dha air raon de cheumannan a ghabhail gus dèiligeadh ris an rangachadh cumhachd aige. Dhèilig e ri stuth-ghlèidhidh teas, riarachadh dealain, thug e a-steach bolgan sàbhalaidh cumhachd agus chuir e pannalan grèine an sàs.

Tha planaichean aige cuideachd airson coimhead ri mar as urrainn do sholas grèine taic a chur ri feumalachdan còmhdhail a’ ghnothachais. Tha an gnothachas air a bhith ag obair le gus coimhead ri mar a dh’fhaodas saoghal a’ chiùil, gigeachan agus ionnsachadh a bhith air a lìbhrigeadh ann an dòigh eadar-dhealaichte, a’ cleachdadh teicneòlas bhiortail agus fìorachd mheasgaichte.  

Faigh a-mach tuilleadh mu thuras uaine a’ ghnothachais sa chliop againn.

Fuaim milis adhartais  

Tha cliù làidir soirbheachaidh aig an Wee Studio ann an cuideachadh tàlant ionadail, gu h-àraid sna tràth-ìrean de chlàradh agus leasachadh ciùil.  Is e aon nì a tha cudromach a bhith ag obair còmhla ris an luchd-ciùil Albannach, Peat & Diesel, a’ cur ri an clàran stiuido ainmeil agus an gnìomhaidhean beò.

A’ coimhead air adhart, tha an Wee Studio ag amas air a ruigsinneachd a leudachadh a-mach le bhith ag obair còmhla ri luchd-dèiligidh taobh a-muigh an eilein, a’ sìreadh tàlant do Wee Studio Records, agus a’ sgaoileadh shruthan teachd-a-steach tro shruthadh air-loidhne, dèanamh bhidiothan ciùil de dh’àrd-chàileachd, agus seirbheisean do chuairtean. A thuilleadh air sin, tha na planaichean a’ gabhail a-steach urras ciùil ionadail a chruthachadh gus taic a thoirt don choimhearsnachd chruthachail nas fharsainge, agus cidsin gnìomhachasail a stèidheachadh.

Tha lèirsinn Keith a’ gabhail a-steach chan e a-mhàin fàs gnothachais ach cuideachd saidhbhreachadh coimhearsnachd, le planaichean aison àite-fuirich do luchd-cruthachail a tha a’ siubhal, dèanamh ùrachadh air goireasan airson seasmhachd, agus fastadh luchd-obrach ionadail gus taic a thoirt don t-suidheachadh obrach.  Le bhith ag àrach cho-obrachaidhean, tasgadh ann am bun-structar, agus toirt prìomhachas do chom-pàirt coimhearsnachd, tha an Wee Studio deiseil airson a’ bhuaidh dheimhinneach a tha aige air Eilean Leòdhais, a thoirt chun na h-ìre as àirde.